#Aholining murojaatiga asosan hududlarda infratuzilma obe'ktlarini yanada yaxshilash, fuqarolarga qulay sharoitlar yaratish bo'yicha bir qancha ishlar amalga oshirilmoqda.

#Ayniqsa, sayyor qabullar davomida kelib tushgan murojaatlarni joyiga chiqqan holda o'rganish, tegishli choralar ko'rish muhim sanaladi. Beruniy tumani Turon mahalla fuqarolar yig'ini 4-sektor hududi hisoblanib, sayyor qabul davomida ichki tuproq ko'chalarning ahvoli bo'yicha bir necha marotaba murojaat kelib tushgan.

#Murojaatdan kelib chiqqan holda, mahalladagi hokim yordamchisi Rasul Urinboev masalani o'rgandi. Xozirgi kunga qadar 1.5 kilometrdagi Obod yurt 2-3-tor ko'chalari va Osiyo ko'chalariga respublika byudjet mablag'lari hisobidan qum-shag'al aralashmasi yotqizib berilgan bo'lsa, Zarafshon tor ko'chasidagi 400 metr joyga aholi o'z tashabbusi bilan qum-shag'al aralashmasi yotqizilib, tuproq yo'llarning ahvoli yaxshilandi. 

#Fotolarda hududdagi yuqorida nomlari keltirilgan ko'chalarning qish faslidagi va hozirgi holati aks etgan.