Beruniy tumani hokimining birinchi o'rinbosari U.Matirzaev boshchiligida “Beruniy tekstil invest” MCHJ faoliyati ishchi guruh vakillari bilan birgalikda o'rganildi. Paxta tolasini ip kalava holatiga keltirib, eksport jarayonining amalga oshirilishi hamda 400 dan ortiq ish o'rinlarining yaratilganligi bo'yicha korxona rahbari M.Majidov tushuntirib o'tdi. 

#Ishchi hodimlar uchun talab darajasidagi ish sharoitlarining yaratilganligi, shuningdek, yil davomida stabil ish bilan ta'minlanganligi, eksport mahsulotlarining sifat darajasi ham ko'zdan kechirildi. Endilikda tayyor mahsulot ishlab chiqarish bo'yicha harakatlar boshlangan bo'lib, hozirda qurilish ishlari davom etmoqda. “Beruniy tekstil invest” MCHJ tumanning investitsiya salohiyatida alohida o'ringa ega bo'lgan korxona hisoblanadi.                                                                        🟢 Beruniy tumani hokimligi axborot xizmati