Sektor rahbarlarining joylarda o'tkazayotgan sayyor qabullari davomida fuqarolardan kelib tushayotgan murojaatlar qay tartibda hal qilinmoqda? Muammolar ko'tarilib, o'z yechimini topmoqdami? Mazkur masalalar bo'yicha Beruniy tumani 3-sektor hududi Yangiobod mahallasida o'tkazilgan sayyor qabulda ishtirok etib javob oldik.

3-sektor rahbari, tuman IIB boshlig'i M.Muratovga 21 ta murojaat kelib tushdi. Ish bilan band qilish, tabiiy gaz bosimini kuchaytirish, uy-joy kadastr hujjatlarini to'g'irlashda amaliy yordam berish, uy-joy ijarasini to'lashda yordam berish masalasidagi 4 ta murojaat ijobiy hal qilindi. 8 ta murojaatga huquqiy tushuntirish berilgan bo'lsa, 9 ta murojaat nazoratga olinib, o'rganish jarayonlari olib borilmoqda.

Aholi murojaatlarining bittasi hal bo'lsa ham ishimizdagi ijobiy o'zgarish yaqqol seziladi deya aytib o'tdi sektor rahbari M.Muratov. Ammo, bu borada xalqning qo'llab-quvvatlashi ham juda zarur. Shunday ekan bir murojaatning hal qilinishi, bir inson taqdiridagi yangi o'zgarishlardan darak beradi.

Beruniy tumani hokimligi Аxborot xizmati