“Vatanparvar” tashkiloti Beruniy tuman O'quv sport texnika klubida haydovchilikka o'qiyotganlarga avtomobillar jarima maydonida amaliy tashviqot targ'ibot tadbiri o'tkazildi .

    O'tkazilgan tadbir  davomida bo'lajak haydovchilar mast holatda avtomobil boshqarish, yo'l transport hodisasi sodir qilish, tegishli hujjatsiz avtomobil boshqarish oqibatida nimalar bo'lishiga guvoh bo'ldi. Kelajakda haydovchilik guvohnomasi olgandan keyin yo'llarda haydovchilik madaniyatini saqlash, boshqa haydovchilarni hurmat qilish, yo'l harakati qoidalariga qat'iy rioya qilish to'g'risida tashviqot targ'ibot tadbirlari o'tkazildi.

   O'qituvchi Xalimbetov Odilbek   “Yo'l qoidasi-umr foydasi” shiori ostida  yo'l-transport hodisalarining oldini olish hamda yo'llarda harakat xavfsizligini ta'minlashga har bir haydovchi o'z  hissasini qo'shishi lozimligini tushintirdi. Har qanday vaziyatda ham har bir fuqaroda vatanparvarlik tuyg'ulari birinchi o'rinda bo'lishi lozimligini,  bilimsiz va saviyasiz nomzodlarga haydovchilik guvohnomasi berish oxir-oqibatda falokat bilan tugashi mumkinligini aytib  tadbirga  yakun yasadi.