Sessiyani Xalq deputatlari tuman Kengashi raisi Saparbaeyv Atabek Xudaybergenovich ochib berdi va olib bordi.Sessiya majlisida xalq deputatlari tuman Kengashi deputatlari, sektor rahbarlari, hokim o'rinbosarlari, tegishli tashkilot rahbarlari hamda ommaviy axborot vositalari vakillari qatnashdi.

Sessiya kun tartibidagi birinchi masala.

1. Qoraqalpog'iston Respublikasi Jo'qorg'i Kengesi Raisining 2022 yil 13 iyun` kungi 425-B sonli “Matirzaev Umidjan Gulimbaevichni Beruniy tumani hokimining moliya-iqtisodiyot va kambag'allikni qisqartirish masalalari bo'yicha birinchi o'rinbosari–iqtisodiy rivojlantirish va kambag'allikni qisqartirish bo'limi boshlig'i lavozimiga tayinlash to'g'risida”gi farmoyishi asosida tuman hokimining 2022 yil 17 iyun kungi 144-13-182-Q/22-sonli qarorini tasdiqlash to'g'risida.

Sessiya kun tartibidagi ikkinchi masala.

2. “Saxovat va ko'mak” umumxalq harakati doirasida tumanda amalga oshirilgan ishlar hamda “Saxovat va ko'mak” jamg'armasiga kelib tushgan mablag'larning maqsadli sarflanishi to'g'risida.

Sessiya kun tartibidagi uchinchi masala.

3. Beruniy tumanida 2023 yilda “Obod qishloq” va “Obod mahalla” davlat dasturlarini amalga oshirish bo'yicha dastlabki manzilli ro'yxatini tasdiqlash to'g'risida.

Kun tartibidagi ushbu masala yuzasidan Beruniy tumani mahalla va nuroniylarni qo'llab-quvvatlash bo'limi boshlig'i Shamuratov Jaxongir Maxsudovich  axborot berdi.

Sessiya kun tartibidagi to'rtinchi masala.

4. O'zbekiston Respublikasi Prezidentining “Mahallada tadbirkorlikni rivojlantirish, aholi bandligini ta'minlash va kambag'allikni qisqartirish masalalari bo'yicha hokim yordamchilari faoliyatini tashkil etish chora-tadbirlari to'g'risida”gi PQ-31-sonli qarorining 19-bandi ijrosi yuzasidan O'zbekiston Respublikasi Prezidentining Beruniy tumanidagi Xalq qabulxonasi mudiri axboroti to'g'risida.

Kun tartibidagi masala yuzasidan O'zbekiston Respublikasi Prezidentining Beruniy tumanidagi Xalq qabulxonasi mudiri v.v.b. Atadjanov Odilbek Nurillaevich axborot berdi.

Sessiya kun tartibidagi beshinchi masala.

5. Beruniy tumani “Yoshlar daftari” jamg'armasi Vasiylik kengashining tarkibini tasdiqlash to'g'risida.

Kun tartibidagi ushbu masala yuzasidan Beruniy tumani hokimi Saparbaev Atabek Xudaybergenovich axborot berdi.

Barchangizga ma'lumki mamlakatimizda yoshlarga bo'lgan e'tibor kundan kun ortib bormoqda.Ijtimoiy himoyaga muhtoj, ishsiz va ijtimoiy faol bo'lmagan yoshlar bilan “Yoshlar daftari”ni yuritish orqali ishlash tizimini yanada takomillashtirish, ularni har tomonlama qo'llab-quvvatlash, shuningdek, oliy ta'lim tashkilotlari talabalari o'rtasida intellektual sog'lom raqobatni shakllantirish, talaba va yoshlarning bilim va salohiyatini yanada oshirish hamda ularni rag'batlantirish maqsadida O'zbekiston Respublikasi Vazirlar Mahkamasining 2022 yil 7 iyundagi “Yoshlar muammolarini o'rganish va hal qilish tizimini yanada takomillashtirish chora-tadbirlari to'g'risida”gi         312-sonqarori qabul qilindi.

Mazkur qaror bilan:

- tuman (shahar) “Yoshlar daftari” jamg'armalarining daromadlar va xarajatlar parametrlarini, ularning ijrosi to'g'risidagi hisobotlarni, ish rejalarini tasdiqlash hamda mablag'larini shakllantirish va ulardan foydalanish bilan bog'liq boshqa vakolatlar tegishlicha tuman (shahar)lardagi “Yoshlar daftari” jamg'armalari Vasiylik kengashlari tomonidan amalga oshirilishi;

- tuman (shahar) hokimlari - tegishli tuman (shahar) “Yoshlar daftari” jamg'armasi Vasiylik kengashi raisi hisoblanishi;

- tuman (shahar) “Yoshlar daftari” jamg'armalari Vasiylik kengashlari a'zolarining faoliyati jamoatchilik asosida tashkil etilishi;

- Xalq deputatlari tuman (shahar) Kengashlariga tuman (shahar) “Yoshlar daftari” jamg'armalari daromadlarining barqaror shakllantirilishi va o'z vaqtida moliyalashtirilishini doimiy nazorat qilib borish tavsiya etilgan.

Vazirlar Mahkamasining 2022 yil 7 iyundagi 312-son qarori 1-ilovasida Qoraqalpog'iston Respublikasi, viloyatlar va Toshkent shahri, shuningdek, tuman (shahar)lardagi «Yoshlar daftari» jamg'armalari to'g'risidagi Nizom tasdiqlangan va unda Hududiy va tuman (shahar) «Yoshlar daftari» jamg'armalari mablag'larini shakllantirish, boshqarish va ulardan foydalanish maqsadida Vasiylik kengashi tuzilishi hamda Vasiylik kengashi tarkibi Qoraqalpog'iston Respublikasi Jo'qorg'i Kengesi, xalq deputatlari viloyatlar va Toshkent shahar Kengashlari, shuningdek, xalq deputatlari tuman (shahar) Kengashlari qaroriga muvofiq tasdiqlanishi belgilangan.

Shunga muvofiq Xalq deputatlari tuman Kengashi Sessiyasiga Beruniy tumani Yoshlar daftari jamg'armasi Vasiylik Kengashi a'zolarini tasdiqlash uchun taqdim qilinmoqda.Beruniy tumani Yoshlar daftari jamg'armasi Vasiylik Kengashi tarkibi a'zoligiga nomzodlar ro'yxati deputatlarga tarqatildi.

Sessiya kun tartibidagi oltinchi masala.

6. O'zbekiston Respublikasi Byudjet Kodeksining 126-moddasiga asosan tuman byudjetining qo'shimcha manbalaridan foydalanib ajratilgan mablag'lar to'g'risidagi tuman hokimining taqdimnomasini ko'rib chiqish to'g'risida.

Kun tartibidagi ushbu masala yuzasidan tuman hokimi Saparbaev Atabek Xudaybergenovich axborot berdi.

Tuman mahalliy byudjetining 2022 yil 1-yanvar holatiga aniqlangan erkin qoldiq  mablag'lari hisobidan sektor rahbarlari boshchiligida o'tkazilgan sayyor qabullardagi aholining murojaatlarini inobatga olib, olis hududlardagi aholi manzillarida yashovchi fuqarolarga yangidan elektr energiya tarmog'i tortib berishda transformator podstansiyalari sotib olish uchun 143.000.000 (bir yuz qirq uch million) so'm mablag'larni ajratish to'g'risidagi tuman hokimligi farmoyishlari tasdiqlansin.

Tuman mahalliy byudjetining 2022 yil 1-yanvar holatiga aniqlangan erkin qoldiq  mablag'lari hisobidan tuman obodonlashtirish boshqarmasiga:

- tuman ko'chalarini obodonlashtirish uchun artizan quduq qazish ishlariga 20.000.000 (yigirma

million) so'm,

-  tungi yoritgich chiroqlarini o'rnatish uchun 15.000.000 (o'n besh million) so'm,

- dizel yoqilg'isi uchun 40.000.000 (qirq million) so'm mablag'larni ajratishga ruhsat etilsin.

         Tuman mahalliy byudjetining 2022 yil 1-chorak daromadlar rejasining orttirib bajarilgan qismi hisobidan Obodonlashtirish boshqarmasi:

- Maxtumquli OFY Toza Nur aholi manzilida joylashgan kollektor ko'prigini ta'mirlash uchun 33 950 000 (o'ttiz uch million to'qqiz yuz ellik ming) so'm,

-  Abay OFY 81 ko'prik aholi manzilidagi ko'prikni ta'mirlash uchun 7500000  (yetti million besh yuz ming) so'm ajratilgan.

Sessiya kun tartibidagi yettinchi masala.

7. Umumta'lim muassasalarining bo'sh direktor lavozimi uchun tanlov o'tkazish to'g'risida.

Kun tartibidagi oltinchi masala yuzasidan Xalq deputatlari tuman Kengashi doimiy komissiyasi raisi Shukurlaev Kudratbek Kurbanbaevich  axborot berdi.

Kun tartibdagi ushbu masala yuzasidan,       58-umumta'lim maktabi direktorligi lavozimiga nomzod Qurbanbaev Ilhom Qutlimuratovich o'z taqdimotini taqdim qildi.   

Ushbu masala yuzasidan, 7-umumta'lim maktabi direktorligi lavozimiga nomzod Qadirova Nasiba Maxmudovna o'z taqdimotini taqdim qiladi.   

Kun tartibdagi ushbu masala yuzasidan,         7-umumta'lim maktabi direktorligi lavozimiga  nomzod Xasanova Saida Yusupovna o'z taqdimotini taqdim qildi.   

Ushbu masala yuzasidan, 55-umumta'lim maktabi direktorligi lavozimiga nomzod Rajapboev Matnazar Bekimbetovich o'z taqdimotini taqdim qildi.   

Kun tartibdagi ushbu masala yuzasidan,       55-umumta'lim maktabi direktorligi lavozimiga  nomzod Rozimov Shakir Djumabaevich o'z taqdimotini taqdim qildi.   

Deputatlar tomonidan har bir nomzodga alifbo tartibida ovoz berildi.Huddi shu tartibda nomzod Rozimov Shakir Djumabaevichga ovoz berildi. Ushbu masala yuzasidan, 56-umumta'lim maktabi direktorligi lavozimiga nomzod Karimov Ulug'bek Samandarovich o'z taqdimotini taqdim qildi.   

Kun tartibdagi ushbu masala yuzasidan,       56-umumta'lim maktabi direktorligi lavozimiga  nomzod Matyakubov Zokirjan Sherxanovich o'z taqdimotini taqdim qildi.   

Deputatlar har bir nomzodga alifbo tartibida ovoz berdi.

Shu bilan Xalq deputatlari tuman Kengashining ellik birinchi sessiyasi kun tartibiga kiritilgan masalalar muhokamasi bo'lib o'tdi.