Odam salomatligini mustahkamlashga qaratilgan say'-harakatlar natijasi, jamiyatda  sog'lom muhitni shakllantirishi bilan ahamiyatli hisoblanadi. Beruniy tumani markazidan olisda bo'lgan Abay OFY da aholi salomatligini mustahkamlash va uyda davolanayotgan bemorlarga malakali tibbiy xizmat ko'rsatish hamda bepul dorilar berish maqsadida, tibbiyot birlashmasining bosh vrachi D.Palvanov boshchiligida tibbiy ko'rik tashkil etildi. 

Shifokorlar bemorlarni ko'rikdan o'tkazib, tashxis bo'yicha kerakli turdagi dorilarni bepul berdi. Bu quvonarli holat albatta ayniqsa, nogironligi va surunkali kasallikka chalingan bemorlar uzoq yo'l bosib, markaziy shifoxonalarga bora olmaydi. Sayyor tibbiy ko'riklar esa vaqtida kasallikni aniqlab, to'g'ri davolashni yo'lga qo'yishga sabab bo'ladi.   
                                                           
  🟢 Beruniy tumani hokimligi axborot xizmati