O'zbekiston Respublikasi Prezidentining 2020 yil 12 noyabrdagi “Birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sog'liqni saqlash tizimida olib borilayotgan islohotlar samaradorligini yanada oshirish chora-tadbirlari to'g'risida”gi PF-6110-sonli Farmonining 4-bandi ijrosini ta'minlash maqsadida Beruniy tumanidagi  “O'.Jumaniyazov” oilaviy shifokorlik punkti Qoraqalpog'iston Respublikasi Jo'qorg'i Kengesi deputati S.Imamova tomonidan o'rganish ishlari olib borildi.

“O'.Jumaniyazov” oilaviy shifokorlik punkti 2021 yil 21 oktyabrda qayta tashkil etilgan bo'lib, 5156 nafar fuqaroga xizmat ko'rsatadi. Aholi sonidan kelib chiqqan holda bu hududga oilaviy shifokorlik poliklinikasi zarur bo'lib taklif ham aynan shu bo'yicha bo'ldi. Yangi bino qurish uchun yer o'rni tuman hokimligi tomonidan ajratilgan. Taklif va mulohazalardan kelib chiqqan holda o'rganishlar natijasi bo'yicha deputat so'rovnomasi berildi deb ma'lumot berib o'tdi Qoraqalpog'iston Respublikasi Jo'qorg'i Kengesi deputati Sayyora Imamova.