#Beruniy tumanida 4 sektor raxbarlari ishtirokida, ochiq muloqot bo'lib o'tdi. Ochiq muloqot davomida aholining murojaatlari hamda tadbirkorlarning loyiha va takliflari tinglandi. Ijtimoiy daftarda ro'yxatda turgan hamda kredit olib ish faoliyatini boshlash istagida bo'lgan yoshlar shu mavzuda sektor raxbarlariga murojaat qildi. 

#Bundan tashqari fuqarolarning infratuzilma borasidagi taklif va murojaatlari ham tinglandi. Sohaga tegishli korxona-tashkilotlar topshirilgan vazifalar bo'yicha joyiga chiqqan holda o'rganishlar olib borishini bildirdi. 

#Aholidan kelib tushayotgan murojaatlar va ularning hal qilinganligi borasidagi ma'lumotlarni, doimiy ravishda tuman hokimligining veb-saytiga joylab borish hamda ijtimoiy tarmoqlarda keng targ'ib qilish masalasi tuman hokimligi axborot xizmatiga topshirildi.