Қишлоқ ҳўжалигида ҳар бир кун муҳим ҳисобланади. Фермер ҳўжаликларида эрта баҳордан бошланган шўр ювиш, ғаллани маҳаллий ўғит билан озиқлантириш, сувғориш, чел олиш ишлари давом этиб ҳозирда барча деҳқонларни дала бошида учратасиз. Деҳқончилик қилишнинг ҳам ўзига яраша сир-синоати бор, ҳамма ҳам бу соҳани эгаллай олмайди. Аммо ер билан тиллашган инсон эса, унинг мехнати ва захматидан чекинмайди. Маҳтумқули овул фуқаролар йиғинидаги “Берунийли Анварбек” фермер ҳўжалиги раҳбари Венера Ибрагимовани ҳам дала бошида, тут кўчатлари экаётган вақти учратдик. Президент ташаббуси билан бошланган хайрли ва савобли ҳаракатга лаббай деб жавоб бердик ва ишчиларимиз билан ҳар кунги ишни кўчат экишдан бошлаймиз дейди қаҳрамонимиз. Ҳозирда  800 туб кўчат экишимиз керак. Тут кўчатини экишдан мақсад эса, туманда пиллачиликни ривожлантириш бу орқали кўплаб аҳолимизни иш билан банд қилишдир дея айтиб ўтди. Фермер ҳўжалигининг даласида 2023-йил ҳосили учун 35 гектар майдонга ғалла экилган бўлиб, ҳозирда бир текис униб чиққан. Ўз вақтида берилган эътибор сабаб ғалладан мўл ҳосил кутилмоқда. 40 гектар майдонга пахта экиш режалаштирилган ва ўз вақтида шўр ювиш ишлари олиб борилган. 5 гектарда интенсив боғ яратганман, сарҳил мевалар ёз бўйи бозорларни тўлдиради. Боғ қатор орасига полиз маҳсулотлари экиб, ундан ҳам қўшимча даромад оламиз. Меҳнат қилган инсон ҳеч қачон кам бўлмайди. Ўтган йилги даромад эвазига техникалар харид қилган бўлсак, бу йилги даромадга ҳам режаларимиз бисёр. Fермер ҳўжалиги ортидан қариб, 25 та хонадоннинг қора қозони қайнаб турибди шу ишчиларимнинг ризқи учун ҳам тинмайман. Ишчиларим билан бирга бир оиламиз хатто жуда катта оиламиз дея фахр билан гапириб ўтди Венера Ибрагимова. Бозорларимизнинг арзон бўлиши, дастурхонларимиздаги тўкин-сочинлик қишлоқ ҳўжалигида тинмай меҳнат қилаётган инсонларга бевосита боғлиқ.  Бугуним ўтди деб эмас, балки бугунги кундаги меҳнатим эвазига нимага эришдим дея шукроналик руҳида яшасак миллатимизга ҳос иш қилган бўламиз.